Lənkəran. Ağəddin Babayev – APA. Lənkəranda yol-nəqliyyat hadisəsi baş verib.
APA-nın cənub bürosunun məlumatına görə, hadisə mayın 3-də saat 16.30 radələrində şəhərin Zərifə Əliyeva küçəsində qeydə alınıb.
Lənkəran rayonunun Göyşöban kənd sakini, 1992-ci il təvəllüdlü Elmar Şamil oğlu Quliyevin idarə etdiyi “Mercedes” markalı, 90 BV 962 dövlət nömrə nişanlı minik avtomobili Lənkəran şəhər sakini, 1984-cü il təvəllüdlü Şəhriyar Mömun oğlu Kazımlının idarə etdiyi VAZ-2107 markalı, 42 BV 482 dövlət nömrə nişanlı minik avtomobili ilə toqquşub. Xəsarət alan olmasa da, güclü zərbədən hər iki avtomobilə ciddi ziyan dəyib.
Faktla bağlı Lənkəran Şəhər-Rayon Polis Şöbəsinin Dövlət Yol Polisi Bölməsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
