Tiflis. Nizami Məmmədzadə - APA. Azərbaycanın Gürcüstandakı səfirliyində Konstitusiya dəyişikliyi ilə bağlı referendum çərçivəsində səsvermə başlayıb.
APA-nın Gürcüstan bürosunun məlumatına görə, ilk səs verən səfir Azər Hüseyn olub. Sonra səfirlik əməkdaşları səs veriblər.
Səfirlikdəki seçki məntəqəsində Azərbaycan vətəndaşlarının səs verməsi üçün lazımi şərait yaradılıb. Seçici siyahısında 470 seçici qeydiyyatdadır. Məntəqə 17 saylı Yasamal 3-cü seçki dairəsinin 46 saylı seçki məntəqəsinə daxil edilib.
Səsvermədə Gürcüstanda fəaliyyət göstərən müxtəlif şirkətlərdə çalışan, Tiflis universitetlərində təhsil alan, Gürcüstanda müvəqqəti yaşayan Azərbaycan vətəndaşları və azərbaycanlı turistlər iştirak edirlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
