Bakı. Türbət Bağırova - APA. Moskvanın şimal-şərqindəki Stromınka küçəsində yerləşən tikiş sexində baş verən yanğın nəticəsində 8 Qırğızıstan vətəndaşı ölüb.
APA-nın “lenta.ru”ya istinadən verdiyi xəbərə görə, bu barədə Qırğızıstanın Rusiyadakı səfirliyinin saytında məlumat yerləşdirilib. “Səkkiz nəfər Qırğızıstan, iki Rusiya, iki Özbəkistan vətəndaşı olmaqla, ümumilikdə 12 nəfər yanğında həyatını itirib”, - deyə məlumatda qeyd edilib.
Hadisənin araşdırılması diplomatlar tərəfindən nəzarətə götrülüb. Zərərçəkənlər və onların yaxınlarına yardım vəd edilib.
Qeyd edək ki, tikiş sexində yanğın baş veməsi barədə yanvarın 30-da məlumat daxil olub. İstintaq orqanları tərəfindən cinayət işi açılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
