Bakı-APA. Almaniyanın Hamburq şəhərində gömrükçülər 116 kiloqram kokain müsadirə ediblər.
APA-nın RİA Novosti agentliyinə istinadən verdiyi məlumata görə, narkotik maddə Braziliyadan gələn, inşaat avadanlığı daşıyan gəmidə aşkarlanıb.
Gəmiyə ilkin baxış zamanı 96 kiloqram, sonra isə daha 20 kiloqram kokain müsadirə edilib.
Məlumata görə, müsadirə olunan kokain 300 kiloqram narkotik vasitənin istehsalı üçün nəzərdə tutulub. Onun dəyəri isə 21 milyon avrodan çoxdur.