Bakı. Aqşin Rafiqoğlu - APA-Economics. Bu ilin mart ayı ərzində Bakı-Tbilisi-Ceyhan (BTC) əsas ixrac boru kəməri vasitəsilə 2 mln. 623 min 733 ton Azərbaycan nefti nəql olunub.
"APA-Economics" SOCAR-ın açıqladığı statistik göstəricilərə istinadən xəbər verir ki, bu, ötən ilin mart ayı ilə müqayisədə 4,04% çoxdur.
Bu ilin yanvar-mart aylarında bu kəmərlə 7 mln. 313 min 312 ton neft ötürülüb. Bu da ötən ilin yanvar-mart ayları ilə müqayisədə 1,26% çoxdur.
Ümumiyyətlə, kəmər istifadəyə verilən gündən bu il aprel ayının 1-ə qədər BTC-yə 299 milyon 988 min 701 ton neft vurulub.
Bundan başqa, bu ilin mart ayında BTC kəməri ilə 440 min 162 ton Türkmənistan nefti nəql olunub.