Bakı-APA. ABŞ-ın Suriya ilə müharibə etmək niyyəti yoxdur, lakin İŞİD silahlılarına qarşı əməliyyatları davam etdirmək əzmindədir.
APA-nın “RİA Novosti”yə istinadən verdiyi xəbərə görə, bunu ABŞ-ın dövlət katibi Con Kerri deyib.
“Diplomatik səyləri tənqid etmək asandır, lakin buna alternativ nədir? ABŞ Suriya ilə müharibə edəcək? Düşünmürəm ki, bu baş verəcək. Biz İŞİD-lə mübarizə aparırıq və bu müharibədə qələbə çalacağıq”, - deyə Kerri “Washington Ideas” forumunda bildirib.
O qeyd edib ki, ABŞ-ın Suriyadakı vətəndaş müharibəsinə qarışmaq niyyəti yoxdur: “Bu Əsədlə müharibə etmək anlamına gələrdi”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
