Şəki Vüqar Heydərov - APA. Şəkidə piyadanın ölümü ilə nəticələnən ağır yol qəzası baş verib.
Şəki Rayon Mərkəzi Xəstəxanasından (RMX) APA-nın Şəki-Zaqatala bürosuna verilən məlumata görə, bu gün səhər saat 07:40 radələrində rayonun Böyük Dəhnə kənd sakini, 1992-ci il təvəllüdlü Elşən Cəlil oğlu Ömərov ağır kəllə-beyin travması və beyin əziyi dioqnozu ilə xəstəxananın reanimasiya şöbəsinə daxil olub. Həkim müayinəsi və araşdırması zamanı məlum olub ki, aprelin 22-i axşam saatlarında 23 yaşlı E. Ömərovu kəndin ərazisində maşın vurub.
Məlumatda bildirilir ki, qəzadan sonra ağır travma alan E. Ömərovu xəstəxanaya aparmaq əvəzinə yaxınları onu məlum olmayan səbəbdən aprelin 23-ü səhər saatlarına kimi yaşadığı evdə saxlayıblar. Məhz səhər saatlarında zərərçəkənin vəziyyətinin daha da ağırlaşdığını görən yaxınları onu xəstəxanaya aparıblar.
E. Ömərov xəstəxanaya daxil olandan bir qədər sonra, təmxinən saat 11:00 radələrində ölüb.
Şəki Şəhər-Rayon Polis Şöbəsindən APA-ya verilən məlumata görə, aparılan araşdırma zamanı məlum olub ki, E. Öməruvu onun həmkəndlisi, 1987-ci il təvəllüdlü Laçın Tahir oğlu Yusifov idarə etdiyi "VAZ 2107" markalı 55-BG-182 dövlət nömrə nişanlı avtomobillə vurub.
Faktla bağlı Şəki ŞRPŞ-də araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
