Bakı-APA. Ötən gün Bakıda keçirilən 17 yaşlı futbolçulardan ibarət komandaların Avropa çempionatında 1/4 finalın ilk iki qarşılaşması keçirilib. Apasport.az saytının məlumatına görə, hər iki görüş “Dalğa Arena”da baş tutub.
İlk olaraq meydana Portuqaliya və Avstriya milliləri çıxıblar. Saat 15:00-da start verilən matçda millimizlə birlikdə A qrupunda yer alan və mərhələni lider kimi tamamlayan Portuqaliya B qrupunun ikincisi Avstriyanı sınağa çəkib. Matç pirineylilərin rəqibini darmadağın etməsi ilə yekunlaşıb - 5:0.
Saat 20:00-da başlayan digər oyunda isə B qrupunun qalibi Almaniya A qrupunda ikinci olmuş Belçika ilə münasibətlərinə aydınlıq gətirib. Bundestimin minimal hesablı qələbəsi ilə başa çatan oyunda yeganə qolu Renat Dadaşov vurub.
17 yaşadək futbolçular arasında Avropa çempionatının final mərhələsi
1/4 final
14 may
Almaniya – Belçika - 1:0
Qol: Renat Dadaşov, 51
Portuqaliya – Avstriya 5:0
Qollar: Xose Qomes, 7 (pen.), 18, 47; Mesake Dju, 51; Migel Luis, 77
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
