Bakı-APA. Yunanıstanın İdomeni yaşayış məntəqəsində, Makedoniya ilə sərhəddə miqrantlarla polis arasında toqquşmalar baş verib.
APA-nın “Anadolu”-ya istinadən verdiyi məlumata görə, sərhədin açılması barədə xəbərin yayılmasından sonra sərhəddə 500-ə yaxın miqrant toplaşıb.
Polis miqrantlara qarşı gözyaşardıcı qaz və elektroşokerlərdən istifadə edib. Hadisə nəticəsində miqrantlar arasında yaralananların olduğu bildirilir.