Bakı-APA. İraqın Baakuba şəhərində minalanmış avtomobilin partladılması nəticəsində ölənlərin sayı 16, yaralıların isə 54 nəfərə çatıb.
APA-nın TASS agentliyinə istinadən verdiyi xəbərə görə, bundan əvvəl 12 nəfərin öldüyü, 40 nəfərin yaralandığı bildirilirdi.
Partlayışın terrorçu-kamikadze tərəfindən törədildiyi təsdiqlənib. İŞİD terror aktına görə məsuliyyəti öz üzərinə götürüb. Son məlumatlara əsasən, ölənlər arasında çox sayda uşaqlar da var.