Bakı - APA-Economics. Bəzi kütləvi informasiya vasitələrində SOCAR-ın sərmayələr və marketinq üzrə vitse-prezidenti Elşad Nəsirova istinadən yayılmış "Azərbaycan "Azərenerji" üçün Rusiyanın "Qazprom" şirkətindən təbii qaz almağı nəzərdə tutur" məlumatı həqiqəti əks etdirmir. "APA-Economics" xəbər verir ki, bu barədə SOCAR-ın yaydığı məlumatda deyilir.
"Elşad Nəsirov bildirmişdir ki, hazırda SOCAR-ın heç bir ölkədən qaz almasına ehtiyacı yoxdur, "AzMeCo", "Azərenerji" və ya digər şirkətlər daha sərfəli şərtlərlə "Qazprom"dan qaz almaq istəyərlərsə, SOCAR-ın infrastukturundan istifadə edə bilərlər", - deyə məlumatda bildirlir.
Qeyd edək ki, bundan öncə E. Nəsirov bildirib ki, SOCAR "Azərenerji" ASC-yə əlavə qaz almaq üçün infrastruktur təklif edə bilər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
