Bakı - APA. Fövqəladə Hallar Nazirliyinin Böhran Vəziyyətlərində İdarəetmə Mərkəzinə Bakının Səbail rayonunda 1 nəfərin köməyə ehtiyacı olması barədə məlumat daxil olub.
APA-nın FHN-in saytına istinadən verdiyi məlumata görə, nazirliyin Xüsusi Riskli Xilasetmə Xidmətinin qüvvələri dərhal hadisə yerinə cəlb olunaraq dərinliyi 5 metr və diametri 2 metr olan çuxura düşmüş vətandaşı cıxararaq aidiyyəti üzrə təhvil veriblər.