Bakı. Cavid Zeynallı - APA. Beş il ərzində Məhkəmə Hüquq Şurası tərəfindən 70 hakim barəsində inzibati icraat başlanılıb. APA-nın məlumatına görə, bu barədə Ali Məhkəmənin sədri Ramiz Rzayev bu gün keçirdiyi mətbuat konfransında bildirib.
R. Rzayevin sözlərinə görə, həmin hakimlərin 5-i hakimlikdən kənarlaşdırılıb, 10 hakimin iş yeri dəyişdirilib, 2 nəfərin vəzifəsi aşağı salınıb, 22 nəfərə töhmət verilib, 12 hakimə irad tutulub.
R.Rzayev əlavə edib ki, Məhkəmə Hüquq Şurasının fəaliyyəti dövründə 73 hakimin səlahiyyətinə xitam verilib.