Bərdədə sürücünün ağır xəsarət alması ilə nəticələnən yol qəzası baş verib. APA-nın Qarabağ müxbirinin xəbərinə görə, hadisə Bərdə-Ağdam yolunda baş verib. 1973-cü il təvəllüdlü Feruz Əliyev idarə etdiyi “VAZ-2109” markalı 10 CO 161 dövlət nömrə nişanlı maşınla, qarşı tərəfdən gələn 1981-ci il təvəllüdlü Adığızəlov Əlövsət Ələkbər oğlunun idarə etdiyi “Ford” markalı 99 EN 448 dövlət nömrə nişanlı maşınla toqquşub. Hadisə şahidlərinin sözlərinə görə, “VAZ-2109” markalı avtomobilin sürücüsü içkili olub və “Ford” markalı avtomobilin hərəkət zolağına çıxıb.
Bərdə Mərkəzi Rayon Xəstəxanasından APA-ya verilən xəbərə görə, F. Əliyevin vəziyyəti orta ağırdır.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
