Avropa Şurasının (AŞ) baş katibi Tyorborn Yaqland Tiflisdə Gürcüstan baş naziri Giorqi Kvirikaşvili ilə görüşüb.
APA-nın Gürcüstan bürosunun məlumatına görə, görüşdə AŞ-Gürcüstan əməkdaşlığı, işğal olunmuş ərazilərdə vəziyyət, AŞ-nın münaqişə bölgələrində etimad prosesində iştirakı kimi məsələlər müzakirə olunub.
Söhbət zamanı konstitusiya dəyişiklikləri, məhkəmə islahatları, habelə işğal olunmuş ərazilərdə insan hüquqları sahəsindəki vəziyyətin monitorinqinin əhəmiyyətinə diqqət yetirilib.
AŞ baş katibi Gürcüstanda aparılan islahatları müsbət qiymətləndirib. G. Kvirikaşvili isə Avropa Şurası baş katibinin "Gürcüstanda münaqişə" hesabat-məruzəsinə böyük əhəmiyyət verdiyini vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
