Bakı-APA. Türkiyənin “Hürriyyət” qəzetinin redaksiyası bir qrup şəxsin hücumuna məruz qalıb.
APA-nın qəzetin saytına istinadən verdiyi xəbərə görə, aksiyaçılar Türkiyə prezidenti Rəcəb Tayyip Ərdoğanın telemüsahibəsinin hurriyet.com.tr-də təhrif olunmasına etiraz ediblər.
Etirazçılar qəzetin redaksiyasına daxil olmağa cəhd ediblər. Onlar pəncərə və qapıları daşla qırıblar. Bir neçə mühafizəçi xəsarət alıb.
Hadisə yerinə çağırılmış polis aksiya içtirakçılarını ərazidən uzaqlaşdırıb.