Pakistanda ağır yol-nəqliyyat hadisəsi baş verib.
APA-nın Geo TV-ə istinadən verdiyi xəbərə görə, ölkənin cənubundakı Sind əyalətinin Xayrpur şəhərində baş verən qəza nəticəsində sərnişin avtobusunda olan 17 nəfər dünyasını dəyişib, 5 nəfər xəsarət alıb.
Hadisə şahidlərinin sözlərinə görə, qəza kömür daşıyan yük maşını ilə avtobusun toqquşması nəticəsində baş verib. Ötmə əməliyyatı edən yük maşını avtobusla toqquşub.
Faktla bağlı araşdırma aparılır.