Bakı. Vüsal Nəbiyev - APA-Economics. Dəniz nəqliyyatı ilə cari ilin yanvar-sentyabr aylarında daşınmış yüklərin həcmi 4 milyon 024,3 min ton təşkil edib və ötən ilin müvafiq dövrünə nisbətən 21% azalıb.
Dövlət Statistika Komitəsindən “APA-Economics”ə verilən məlumata görə, yüklərin 42,7%-ni neft yükləri təşkil edib.
Dəniz limanları tərəfindən 6 589,8 min ton həcmində yükləmə-boşaltma işləri həyata keçirilib və yüklərin 6 166,6 min tonunu və ya 93,6%-ni tranzit yüklər təşkil edib. Oktyabr ayının 1-i vəziyyətinə limanlarda qalan idxal yüklərin həcmi 41,8 min ton olub.
Dövr ərzində bu nəqliyyat növü ilə daşınmış sərnişinlərin sayı 2015-ci ilin müvafiq dövrünə nisbətən 2,4 dəfə artaraq 14,2 min nəfər olub.
Ümumilikdə qeyd olunan dövr ərzindəki yükdaşımaların 2,4%-i dəniz nəqliyyatının payına düşür.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
