Bu ilin II rübündə Türkiyənin ilk və yeganə neft-kimya istehsalçısı olan “Petkim” kompleksində 1 mln. 694 559 ton məhsul istehsal olunub.
“APA-Economics” şirkətin bu ilin yanvar iyun ayları üzrə maliyyə hesabatına istinadən xəbər verir ki, bu ötən ilin analoji dövrü ilə müqayisədə 3,43% çoxdur.
Hesabat dövründə satış miqdarı 7,4% artaraq 1 mln. 5 min 241 ton olub. “Petkim Holding”in satış gəlirləri 59% artaraq 2,286 mlrd. lirədən 3,626 mlrd. lirəyə çatıb.
Bu ilin II rübündə kompleksin istehsal gücündən istifadə göstəricisi isə ötən ilin analoji dövründəki 94%-dən 96%-ə qaldırılıb.
Qeyd edək ki, “Petkim Holding” 1965-ci il aprelin 3-də yaradılıb. 2008-ci ildə tamamlanan özəlləşdirmə prosesinin sonunda “Petkim”in əsas səhmdarı Azərbaycan Dövlət Neft Şirkəti (SOCAR) olub. “Petkim” Əliağa Kompleksində 14 əsas zavod və 8 yardımçı tikili olmaqla bir-birinə inteqrasiya edilmiş 22 təsis yer almaqdadır. Kompleks illik 3,6 mln. ton istehsal gücünə malikdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
