Aqrar-sənaye kompleksi

Ana səhifə

Dövlət Fondu toxum emal edən fabrik və anbar tikmək niyyətindədir

10 aprel 2017 07:07 (UTC +04:00)

Kənd Təsərrüfatı Nazirliyinin tabeliyində Dövlət Toxum Fondu toxum emal edən fabrik, anbar və yardımçı tikililərin satın alınması ilə əlaqədar açıq tender elan edir.

"APA-Economics" tender komissiyasının yaydığı elana istinadən xəbər verir ki, müqaviləni yerinə yetirmək üçün tender iştirakçıları lazımi texniki və maliyyə imkanlarına malik olmalıdırlar.

Tenderdə iştirak haqqı 500 manatdır. İştirak haqqı heç bir halda geri qaytarılmır.

İddiaçılar tenderdə iştirak etmək üçün aşağıdakı sənədləri təqdim etməlidirlər:

- tenderdə iştirak etmək üçün yazılı müraciət;

- tenderdə iştirak haqqının ödənilməsi barədə bank sənədi;

- tender təklifi (zərflərin açıldığı tarixdən ən azı 30 bank günü qüvvədə olmalıdır);

- tender təklifinin dəyərinin 1%-i həcmində bank təminatı (zərflərin açıldığı tarixdən ən azı 60 bank günü qüvvədə olmalıdır);

- Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanından arayış;

- iddiaçının son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabatının surəti;

- iddiaçının son bir ildəki maliyyə vəziyyəti haqqında bank arayışı;

- iddiaçının tam adı, hüquqi statusu, nizamnaməsi, qeydiyyatdan keçdiyi ölkə və rekvizitləri;

- iddiaçıların son bir ildə analoji işlər üzrə təcrübəsi və potensial imkanları haqqında

məlumat.

Tender proseduru “Dövlət satınalmaları haqqında” Qanuna uyğun keçiriləcək.

İddiaçılar tenderdə iştirak etmək üçün yuxarıda göstərilən sənədləri (tender təklifi və bank zəmanəti istisna olmaqla) 5 may 2017-ci il saat 17:00-dək, tender təklifi və bank zəmanətini isə möhürlənmiş ikiqat zərfdə 22 may 2017-ci il saat 17:00-a qədər Bakı şəhəri, Üzeyir Hacıbəyov küçəsi, 80 nömrəli ünvanda yerləşən Kənd Təsərrüfatı Nazirliyinin tabeliyində Dövlət Toxum Fonduna təqdim etməlidirlər.

Göstərilən vaxtdan gec təqdim olunmuş zərflər açılmadan geri qaytarılacaq.

İddiaçıların təklifləri 23 may 2017-ci il saat 11:00-da yuxarıda göstərilən ünvanda açılacaq.