Daxili İşlər Nazirliyi Sumqayıtda dəniz kənarından güllələnmiş kişi meyitinin tapılması barədə sosial şəbəkələrdə yayılan məlumatlara münasibət bildirib.
Nazirliyin mətbuat xidmətinin rəisi Ehsan Zahidov APA-nın sorğusuna cavabında bu məlumatın yalan olduğunu qeyd edib: “Sosial şəbəkələrdə həmin məlumat yayıldıqdan dərhal sonra araşdırmışıq ki, son vaxtlar nə Sumqayıtdakı, nə də Coratdakı hansısa müəssisədə işçilərin hər hansı etirazı qeydə alınıb. Müəssisələrdə 26 yaşlı Emin Nəbiyev ad-soyadlı işçi də olmayıb. Onu da bildirim ki, Sumqayıtda dəniz kənarından nəinki üzərində güllə yaraları olan meyit, heç öz əcəli ilə vəfat etmiş insan cəsədi də aşkarlanmayıb. Uydurma xəbər xəstə təxəyyülün zay məhsulundan başqa bir şey deyil”.
Qeyd edək ki, sosial şəbəkələrdə Sumqayıtın Corat qəsəbəsində fəaliyyət göstərən müəssisədə işçilərin maaşların azlığı ilə əlaqədar işi dayandıraraq etiraz aksiyası keçirildiyi yazılıb. Qeyd olunub ki, fevralın 4-ü gecə onlardan biri - 26 yaşlı Emin Nəbiyevi polis əməkdaşları evindən polis bölməsinə aparıblar. Hadisənin ertəsi günü balıqçılar dəniz kənarında bir cəsəd tapıblar. Üzərində güllə yaraları olan şəxsin Emin Nəbiyev olduğu bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
