Bu gün Papua-Yeni Qvineyada 6 maqnitudalı zəlzələ olub.
APA-nın məlumatına görə, bu barədə ABŞ Geologiya Xidməti məlumat yayıb.
Yerli vaxtla saat 14.34 radələrində baş verən zəlzələnin ocağı Porqera şəhərindən 83 km cənub-qərbdə, 16 km dərinlikdə yerləşib. Dağıntı və tələfat barədə məlumat verilmir.
Qeyd edək ki, keçən həftə Papua-Yeni Qvineyada 7,5 maqnitudalı zəlzələ olub. Zəlzələnin ocağı Porqera şəhərindən 89 km cənub-qərbdə yerləşib. Zəlzələ nəticəsində ən azı 30 nəfər ölüb.