Oğuzda çardaqdan yıxılan 52 yaşlı qadın ağır xəsarət alıb.
Oğuz Mərkəzi Rayon Xəstəxanasından (MRX) APA-nın Şəki-Zaqatala bürosuna verilən məlumata görə, yanvarın 15-i saat 11 radələrində rayonun Padar kənd sakini 52 yaşlı Mahiyə Abbasova çardaqdan yıxılıb.
Onun müxtəlif dərəcəli ağır bədən xəsarətləri alması barədə Oğuz MRX-nın Təcili Tibbi Yardım Şöbəsinə məlumat daxil olub. Hadisə yerinə cəlb edilmiş həkim briqadası xəstənin vəziyyətini nəzərə alaraq onu Mingəçevir Şəhər Mərkəzi Xəstəxanasına (ŞMX) aparıb.
Mingəçevir ŞMX-dan APA-ya bildirilib ki, xəstəxananın reanimasiya şöbəsinə yerləşdirilən Mahiyə Abbasovaya ağır qapalı kəllə-beyin travması və boyun fəqərələrinin çatı diaqnozu qoyulub, vəziyyəti ağır qiymətləndirilir.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
