Azərbaycanda gözün buynuz qişasının mülki dövriyyəsinə (transplantasiyasına) icazə verilir. APA-nın məlumatına görə, bununla bağlı “Mülki dövriyyənin müəyyən iştirakçılarına mənsub ola bilən və dövriyyədə olmasına xüsusi icazə əsasında yol verilən (mülki dövriyyəsi məhdudlaşdırılmış) əşyaların siyahısı haqqında” qanuna yeni 19-cu maddə (Gözün buynuz qişası) əlavə olunur.
Maddəyə görə, gözün buynuz qişasının zədələnməsi, yaxud xəstəlik nəticəsində sıradan çıxması zamanı ən effektiv müalicə üsulu buynuz qişanın transplantasiyasıdır. Bu əməliyyat hal-hazırda dünyada çox geniş tətbiq olunur, bir çox ölkələrdə göz bankaları vardır və buynuz qişanın dövriyyəsini beynəlxalq hüquq qadağan etmir. Azərbaycanda da bu əməliyyatın keçirilməsi üçün lazımi maddi-texniki şərait və mütəxəssislər var. Qanunda edilən dəyişiklik gözün buynuz qişasının Azərbaycanda mülki dövriyyəsinə xüsusi icazə verilməsini nəzərdə tutur.
Layihə Milli Məclisin plenar iclasına tövsiyə olunub və aprelin 25-də müzakirəyə çıxarılacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
