Zaqatala minik avtomobili yanıb.
APA-nın Şəki-Zaqatala bürosunun məlumatına görə, rayonun Yuxarı Tala kəndində kənd sakini Qurban İsayeviç Ömərova məxsus “Opel Astra” markalı 62 BT 584 dövlət nömrə nişanlı minik avtomobil yanıb. Hadisə yerinə Fövqəladə Hallar Nazirliyinin (FHN) Zaqatala rayon Dövlət Yanğından Mühafizə Hissəsinin yanğınsöndürən maşını cəlb edilib. Yanğın nəticəsində avtomobilin mühərriki və salonunun yanar konstruksiyaları yanıb.
Bakı şəhəri, Nizami rayonunda isə "Ford" markalı yük avtomobilinin mühərrikində elektrik avadanlıqları yanıb. Avtomobilin qalan hissəsi yanğından mühafizə olunub. Yanğın yanğın bölmələri tərəfindən söndürülüb.