“Xocalı faciəsi ilə bağlı qətnamənin qəbulu Cibutinin münaqişəyə dair mövqeyinin açıq göstəricisidir”.
APA-nın məlumatına görə, bunu Cibuti xarici işlər və beynəlxalq əməkdaşlıq naziri Mahmud Əli Yusuf Azərbaycan xarici işlər naziri Elmar Məmmədyarovla görüşdən sonra keçirilən mətbuat konfransında deyib.
O qeyd edib ki, bəzən BMT Təhlükəsizlik Şurasında qəbul olunan qətnamələr icra edilmir: “Bu tək Qarabağ problemi ilə bağlı deyil. Biz davamlı olaraq bu kimi qətnamələri qəbul etməklə, ədaləti dəstəklədiyimizi bildirməliyik".