Bu gün Fövqəladə Hallar Nazirliyində (FHN) “Xəzər-2017” beynəlxalq kompleks təlimində fərqlənmiş bir qrup FHN əməkdaşının təltif olunması mərasimi keçirilib.
FHN-dən APA-ya verilən məlumata görə, Qazaxıstan Daxili İşlər Nazirliyi nəzdində Fövqəladə Hallar üzrə Komitə tərəfindən verilmiş medallar əməkdaşlara fövqəladə hallar nazirinin müavini, general-leytenant Etibar Mirzəyev tərəfindən təqdim edilib.
Xatırladaq ki, 2 və 3 noyabr 2017-ci il tarixlərində Bakı şəhərində Xəzəryanı dövlətlərin müvafiq qurumlarının iştirakı ilə “Azərbaycan Respublikasının Fövqəladə Hallar Nazirliyinin və Xəzəryanı dövlətlərin xilasetmə xidmətlərinin fövqəladə hadisələr zamanı birgə fəaliyyəti” mövzusunda “Xəzər-2017” beynəlxalq kompleks təlimi keçirilib.