Gürcüstanın Acarıstan Muxtar Respublikasında yağan güclü qar nəticəsində 2 nəfər ölüb.
APA-nın “İnterfaks” agentliyinə istinadən məlumatına görə, bir nəfər uçqun altında qalıb, daha bir nəfər isə donvurmadan ölüb.
Ayrı-ayrı ərazilərdə qar örtüyünün hündürlüyü 2 metrə çatıb. Bir sıra dağlıq ərazilərdə güclü qar elektrik xətlərini sıradan çıxarıb, nəqliyyatın hərəkətində məhdudiyyətlər yaranıb, məktəblər bağlanıb.
Meteoroloqların proqnozlarına görə, Gürcüstanda qeyri-sabit hava şəraitinin fevralın 5-dək davam edəcəyi gözlənilir.