Rusiyanın Mojaysk adına Hərbi-Kosmik Akademiyanın kursantı saxlanılıb.
APA-nın “RİA Novosti”yə istinadən verdiyi məlumata görə, bu barədə Sankt-Peterburq qarnizon hərbi məhkəməsinin mətbuat-katibi Yekaterina Savçenko deyib.
Kursant Vadim Osipov iyunun 9-dək iki ay müddətinə həbs edilib. Cinayət işinin detalları açıqlanmasa da, terrorçuluq fəaliyyətinə dəstək maddəsi ilə ittiham olunan V. Osipovu 15 ilədək həbs cəzası gözləyir.
Qeyd edək ki, aprelin 6-da Sankt-Peterburq metrosunda terror aktı törədən Akbarjon Cəlilovun 6 ortağı saxlanılıb.