Kreml Rusiya və Ukrayna prezidentləri Vladimir Putin və Pyotr Poroşenko arasındakı telefon danışığının təfərrüatlarını açıqlayıb.
APA-nın Moskva müxbirinin verdiyi məlumata görə, Rusiya prezidentinin sözçüsü Dmitri Peskov telefon danışığının fevralın 12-də Kiyevin təşəbbüsü ilə baş tutduğunu söyləyib: "Ukrayna prezidenti "An-148" təyyarəsinin qəzaya uğraması ilə əlaqədar başsağlığı verdi. O, aviaqəzanın səbəblərinin müəyyən edilməsi ilə bağlı istehsalçı zavodun xətti ilə əməkdaşlığa hazır olduqlarını bildirdi".
D. Peskov qeyd edib ki, dövlət başçıları Minsk razılaşmasının həyata keçirilməsini, Donbasda əsirlərin dəyişdirilməsi ilə bağlı vəziyyəti də müzakirə ediblər.
Xatırladaq ki, Putin və Poroşenko arasında telefon danışığı barədə ilk olaraq Ukrayna prezident administrasiyası məlumat yayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
