Bakı. Aqşin Rafiqoğlu - APA-Economics. Dünyanın ən iri müstəqil neft treyderi olan "Vitol" ona məxsus "VTTI BV" şirkətinin səhmlərinin 50%-ni satır.
"APA-Economics" xəbər verir ki, səhm paketinin dəyəri 1,15 mlrd. dollar həcmində qiymətləndirilir.
"VTTI BV" 5 qitədə yerləşən 13 liman terminalının operatorudur. Bununla yanaşı, şirkətin balansında 54 mln. barrel tutumu olan neft rezervuarları mövcuddur.
Səhm paketini ABŞ-ın ən iri neft treyderlərindən biri olan "Buckeye Partners" şirkəti alır.
Əqdin 2017-ci ildə bağlanması gözlənilir.
Əqd bağlandıqdan sonra "VTTI BV" paritet əsaslarda "Buckeye Partners" və "Vitol" şirkətlərinə məxsus olacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
