Bakı-APA. Meksikanının şimalındakı Nuevo-Levon ştatında yerləşən “Topo-Çiko” həbsxanasında baş vermiş iğtişaşlar, dəqiqləşdirilmiş məlumata görə, 49 nəfərin həyatına son qoyub.
APA-nın “TASS”a istinadən verdiyi xəbərə görə, yerli rəsmi qurumların məlumatına əsasən, hazırda ölənlərdən 40 nəfərin şəxsiyyətini müəyyənləşdirmək mümkün olub. Bundan əvvəl üsyan nəticəsində mətbuatda 52 nəfərin öldüyü barədə məlumat yayılıb. İnsident nəticəsində 12 nəfər xəsarət alıb, bir neçə yaralının vəziyyəti kritikdir.
İğtişaşlara səbəb “Qolfo” və “Los Setas” cinayətkar qruplaşmaları arasında yaranan münaqişə olub. Qırx dəqiqədən çox davam edən qanlı əlbəyaxa dava zamanı məhbuslar soyuq silah və dəyənəklərdən istifadə ediblər. Həbsxana administrasiyası yalnız 1,5 saatdan sonra vəziyyəti tam nəzarətə götürməyə müvəffəq olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
