Bakı – APA. Futzal üzrə Azərbaycan yığmasının Avropa çempionatında Çexiya ilə sabah keçirəcəyi matçın hakimləri açıqlanıb. Apasport.az-ın UEFA-nın rəsmi saytına istinadən məlumatına görə, qarşılaşmada ədalət təmsilçiləri Sloveniya və Avstriyadan olan referilər olacaq.
Millimizin yer aldığı D qrupunda keçirəcəyi son oyunun baş hakimi Admir Zahoviç (Sloveniya) olacaq. Ona avstriyalı həmkarı Cerald Bernfeynd kömək edəcək. “Belqrad Arena”da baş tutacaq Azərbaycan – Çexiya matçı Bakı vaxtı ilə saat 00:00-da başlayacaq.
Qeyd edək ki, millimiz qrupdakı ilk görüşündə İtaliyaya 0:3 hesabı ilə məğlub olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
