Bakı. Vüsal Nəbiyev - APA-Economics. Bəzi dövlət qurumlarının saytlarına girişdə yaranan problem aradan qaldırılıb.
Bu barədə "APA-Economics"ə Xüsusi Dövlət Mühafizə Xidmətinin Xüsusi Rabitə və İnformasiya Təhlükəsizliyi Dövlət Agentliyinin Kompüter İnsidentlərinə Qarşı Mübarizə Mərkəzindən bildirilib.
"Problem artıq aradan qaldırılıb. Saytlara normal qaydada giriş mümkündür", - deyə mərkəzdən bildirilib.
***
SAAT 13:05
Azərbaycanın bəzi dövlət qurumlarının internet saytlarının fəaliyyətində problemlər müşahidə olunur. "APA-Economics" xəbər verir ki, bu səbəbdən qurumların saytlarına daxil olmaq mümkün olmur.
Xüsusi Dövlət Mühafizə Xidmətinin Xüsusi Rabitə və İnformasiya Təhlükəsizliyi Dövlət Agentliyinin Kompüter İnsidentlərinə Qarşı Mübarizə Mərkəzindən "APA-Economics"ə bildirilib ki, texniki səbəblər ucbatında saytlara daxil olmaq olmur: "Məsələ 15-20 dəqiqəyə həllini tapacaq".