Bakı. Musa Əhmədov - APA-Economics. Dekabrın 4-də “Günəşli” yatağındakı 10 saylı dərin dəniz özülündə baş vermiş yanğında xəsarət alanlar və itkin düşənlərin ailələrinə sığorta ödənişinin verilməsi üçün siyahı dəqiqləşdirilir.
Bu barədə "APA-Economics"ə "PAŞA Həyat Sığorta" şirkətinin sözçüsü Elnur Hüseynquliyev məlumat verib.
E. Hüseynquliyevin sözlərinə görə, hazırda SOCAR-ın müvafiq idarələri ilə birlikdə məlumatlar toplanılır: “Siyahı dəqiqləşdirilir, ödənişlərin verilməsi ilə bağlı hesablamalar aparılır. Hadisədən zərər çəkənlərin hamısına sığorta ödənişi veriləcək”.
Qeyd edək ki, SOCAR-ın əməkdaşlarının "İstehsalatda bədbəxt hadisələr və peşə xəstəliklərindən icbari sığortasını “PAŞA Həyat Sığorta” şirkəti həyata keçirib.
Xatırladaq ki, dekabrın 4-də “Günəşli” yatağındakı 10-cu dərin dəniz özülündə yanğın baş verib. Nəticədə 1 nəfər həlak olub, 29 nəfər itkin düşüb, 32 nəfər isə xilas edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
