Bakı. Vüsal Nəbiyev – APA-Economics. Bakı şəhərində keçiriləcək “Formula-1” yarışına hazırlıq işləri ilə əlaqədar Neftçilər prospektinin Zərifə Əliyeva küçəsi ilə kəsişməsindən Əziz Əliyev küçəsi ilə kəsişməsinədək olan hissəsində yolun 3 zolağında və Əziz Əliyev küçəsində nəqliyyat vasitələrinin hərəkəti məhdudlaşdırılıb.
Bu barədə Nəqliyyatı İntellektual İdarəetmə Mərkəzindən “APA-Economics”ə məlumata verilib.
Məlumata görə, bu səbəbdən Yusif Səfərov, Neftçilər və Üzeyir Hacıbəyov küçələrində nəqliyyat vasitələrinin hərəkətində sıxlıq müşahidə olunur.
Sürücülərə alternativ yollardan istifadə etmələri tövsiyə olunur.