Şəmkir. Azər Məmmədli - APA. Şəmkir rayon sakini odlu silah yaralanması ilə xəstəxanaya yerləşdirilib. Şəmkir Rayon Mərkəzi Xəstəxanasından APA-nın qərb bürosuna verilən məlumata görə, rayonun Ələsgərli kənd sakini, 1986-cı il təvəllüdlü Eldəniz Vəliyev sağ qoltuqaltı nahiyənin, sağ bazunun və saitin odlu silah yaralanması xəsarəti ilə xəstəxanaya yerləşdirilib. Ona dərhal tibbi yardım göstərilib. Vəziyyətinin orta-ağır olduğu bildirilir. E. Vəliyevin hansı şəraitdə xəsarət aldığı hələ ki, məlum deyil.
Faktla bağlı Şəmkir rayon Polis Şöbəsində araşdırma aparılır.