Moskva. Fərid Əkbərov - APA. Moskvada bank əməkdaşlarını girov götürən Aram Petrosyanı 15 il həbs cəzası gözləyir.
APA-nın Moskva müxbirinin verdiyi məlumata görə, müstəntiqlər erməni iş adamına qarşı Rusiya Federasiyası Cinayət Məcəlləsinin 206-ci maddəsinin 2-ci bəndi ilə (silahla iki və ya daha çox şəxsi girov götürmə) maddəsi ilə ittiham irəli sürüblər.
İttihama əsasən, 55 yaşlı A. Petrosyanı 15 il azadlıqdan məhrumetmə cəzası gözləyir.
Bu gün Moskvanın Presnenski Rayon Məhkəməsi A. Petrosyan barəsində həbs-qətimkan tədbirinin seçilməsi məsələsinə baxacaq.
Qeyd edək ki, hadisə avqustun 24-də axşam saatlarında paytaxtın Bolşaya Nikitskaya küçəsində yerləşən "City Bank"ın filialında baş verib. Banka kredit borcu olan iş adamı A. Petrosyan bank əməkdaşlarını girov götürüb və onları boynundan asdığı partlayıcını işi salacağı ilə hədələyib. Uzun sürən danışıqlardan sonra o, girovları azad edərək, polisə təslim olub. İstintaqa ilkin ifadəsində A. Petrosyan girovları öldürmək fikrində olmadığını, sadəcə öz probleminə diqqəti cəlb etmək istədiyi üçün bu addımı atdığını bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
