Moskva. Fərid Əkbərov - APA. Qazaxıstanın paytaxtı Astana şəhərində Xəzərin hüquqi statusu ilə bağlı sahilyanı ölkələrin xarici işlər nazirlərinin toplantısı keçirilir.
APA-nın Moskva müxbirinin verdiyi məlumata görə, bu barədə Rusiya Xarici İşlər Nazirliyinin sözçüsü Mariya Zaxarova özünün “Facebook” səhifəsində yazıb. O bildirib ki, Rusiyanın xarici işlər naziri Sergey Lavrov qazaxıstanlı həmkarı ilə görüşdükdən sonra Xəzəryanı dövlətlərin xarici siyasət idarələri rəhbərlərinin işgüzar görüşü başlayıb.
Qeyd edək ki, Azərbaycan XİN-in mətbuat xidməti nazir Elmar Məmmədyarovun iyulun 13-də Xəzəryanı ölkələrin xarici işlər nazirlərinin növbəti görüşündə iştirak etmək üçün Astanaya səfər edəcəyi ilə bağlı məlumat yayıb.