Bakı. Aqşin Rafiqoğlu - APA-Economics. Tbilisi şəhər məhkəməsi Gürcüstanın Rəqabət Agentliyi tərəfindən "SOCAR Georgia Petroleum" şirkətinə tətbiq etdiyi 14,4 mln. lari (9,7 mln. manat) cəriməni qüvvədə saxlayıb.
"APA-Economics" "Bizzone" xəbər portalına istinadən xəbər verir ki, Rəqabət Agentliyi iddia edir ki, bu cərimənin tətbiq olunmasına səbəb "SOCAR Georgia Petroleum" tərəfindən 2012-2014-cü illərdə Gürcüstanın "Rəqabət Haqqında" qanununun tələblərini pozmasıdır.
Agentlik digər bazar iştirakçılarını da analoji qanun pozuntusu ilə cərimələyib.
Məsələyə SOCAR-ın törəmə şirkəti də münasibət bildirib. Şirkətin yaydığı bəyanatda deyilir ki, "SOCAR Georgia Petroleum" öz fəaliyyəti zamanı qanunun tələblərini pozmayıb: "Bizə qarşı irəli sürülən ittihamlar tamamilə əsassızdır".
Şirkətin apellyasiya şikayəti verib-verməyəcəyi məlum deyil.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
