Bakı. Məlahət Nəcəfova - APA. Moldova parlamentinin keçmiş parlament vəkili (ombudsman), Moldova İctimai Palatasının sədri Aurelia Qriqoriu Azərbaycan-Ukrayna Beynəlxalq Alyansı tərəfindən təsis edilmiş “Şərəf” ordeni ilə təltif edilib.
Azərbaycanın Moldovadakı səfirliyində ordenin təqdim edilməsi mərasimi keçirilib.
Səfirlikdən APA-ya verilən məlumata görə, A. Qriqoriu bu mükafata Azərbaycanla Moldova arasında dostluq əlaqələrinin möhkəmlənməsi, ölkələrin ərazi bütövlüyü və insan haqlarının müdafiəsi sahəsində çoxillik səmərəli fəaliyyətinə görə layiq görülüb.
Ordeni Azərbaycan-Ukrayna Beynəlxalq Alyansı adından onun sədri Elmar Məmmədov təqdim edib.
Mərasimə Azərbaycanın Moldovadakı səfiri Namiq Əliyev, digər ölkələrdən olan diplomatlar, Moldova ictimaiyyətinin nümayəndələri, elm, mədəniyyət xadimləri qatılıblar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
