“Dağlıq Qarabağda 2016-cı ildə yaşananlar münaqişəsinin ən qızğın eskalasiyası olub”.
APA-nın məlumatına görə, bu barədə ATƏT Parlament Assambleyasının Siyasi və təhlükəsizlik məsələləri üzrə komitəsinin məruzəçisi, isveçli Marqareta Sederfelt komitənin qış sessiyası çərçivəsində keçirilən iclasında deyib.
M. Sederfelt bildirib ki, ATƏT-in Minsk qrupunun həmsədrləri münaqişənin həlli üçün bütün alətlərdən və mexanizmlərdən istifadə etməlidir. O qeyd edib ki, Dağlıq Qarabağ da daxil olmaqla, ATƏT məkanındakı münaqişələr konstruktiv dialoq çərçivəsində həllini tapmalıdır.