İŞİD terror qruplaşması ilə mübarizə üzrə beynəlxalq koalisiya qruplaşmanın lideri Əbu Bəkr Əl Bağdadinin öldürüldüyünü təsdiqləyə bilmir. APA-nın “RİA Novosti”yə istinadən verdiyi xəbərə görə, bu barədə əməliyyat komandanı general Stiven Taunsend bildirib.
“Əl Bağdadinin öldürülməsini mən nə təsdiq, nə də təkzib edə bilirəm”, - deyə general bildirib.
Ötən gün İŞİD terror təşkilatı Əbu Bəkr Əl Bağdadinin öldüyünü bəyan edib.
Qeyd edək ki, bir müddət əvvəl İran mətbuatı əl-Bağdadinin ölüm faktını təsdiqləyən şəkillər yayıb. Ötən ayın ortalarında isə Rusiya Müdafiə Nazirliyi Əl Bağdadi və daha 300 döyüşçünün Suriyada aviazərbələr nəticəsində öldürüldüyünü iddia edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
