Rusiya Prezidenti Vladimir Putin Ümumdünya Antidopinq Agentliyinin (WADA) Rusiyanın beynəlxalq idman yarışlarından uzaqlaşdırılması ilə bağlı qərarını ədalətsiz adlandırıb.
APA-nın xəbərinə görə, bu barədə bu gün V. Putin illik mətbuat konfransında bildirib.
“WADA-nın qərarı ədalətsiz, məntiqsiz və qeyri-qanuni bir qərardır. Günahı olanları cəzalandırmaq normal və ədalətlidir. Ancaq idmançılarımızın əksəriyyəti təqsirsizdirsə, WADA başqalarının hərəkətlərinə görə onları necə cəzalandıra bilər?”, - deyə V. Putin vurğulayıb.
Rusiya Prezidenti qeyd edib ki, WADA-nın məlum qərarı Olimpiya nizamnaməsinə də ziddir.
Xatırladaq ki, Rusiya 4 il müddətində dünya çempionatlarını qəbul etmək, belə yarışların təşkili üçün sifariş vermək hüququndan məhrum edilib. Bu müddətdə Rusiya idmançıları Olimpiya Oyunları və dünya çempionatlarında öz milli bayraqları altında çıxış edə bilməyəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
