Zaqatala Mərkəzi Rayon Xəstəxanasından (RMX) APA-nın Şəki-Zaqatala bürosuna verilən məlumata görə, bu gecə Zaqatala sakin, 1986-cı il təvəllüdlü Ağakişi Əhməd oğlu Həzrəyev bədənin çanaq nahiyəsinin yan tərəflərinin və sağ baldırın ön divarının güllə yarası ilə xəstəxanaya daxil olub. Üzərində cərrahiyə əməliyyatı aparılan yaralı reanimasiya şöbəsinə yerləşdirilib, vəziyyəti ağır qiymətləndirilir.
Zaqatala rayon Polis Şöbəsindən APA-ya bildirilib ki, hadisə Ağakişi Həzrəyevin yaşadığı binanın qarşısında baş verib. Adı açıqlanmayan şəxs avtomat silahdan Ağakişi Həzrəyevə bir neçə dəfə atəş açaraq, hadisə yerini tərk edib.
Keçirilmiş əməliyyat-axtarış tədbirləri nəticəsində Sərxan Kərimov tutularaq istintaqa təhvil verilib.
Faktla bağlı cinayət işi başlayıb, araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
