Gürcüstan parlamenti Nino Lomcariyanı yeni ombudsman seçib.
APA-nın yerli bürosunun məlumatına görə, N.Lomcariyanın xalq müdafiəçisi vəzifəsinə namizədliyini 96 deputat dəstəkləyib.
Onun namizədliyini parlament çoxluğu təqdim edib.
Gürcüstanın hazırkı ombudsmanı Uça Nanuşavilinin 5 illik səlahiyyət müddəti dekabrın 1-də başa çatır.
N.Lomcariya QHT sektorunda fəaliyyət göstərib. O, Gürcüstanın ikinci qadın ombudsmanı olacaq. Ölkədə ilk qadın ombudsman 2000-2003-cü illərdə Nana Devdariani olub.