Böyük Britaniyanın “Anglo Asian Mining” şirkəti Azərbaycanda 2018-ci il üzrə hasilat proqnozunu açıqlayıb.
Bu barədə “APA-Economics”ə şirkətdən məlumat verilib.
Məlumata görə, Azərbaycanda qızıl yataqlarının işlənməsi üzrə operator olan “Anglo Asian Mining” (AAM) şirkəti 78-84 min unsiya arasında qızıl hasil etməyi proqnozlaşdırır. Bu, 2017-ci ilin hasilat göstəricisindən orta hesabla 13% çoxdur.
“218-ci il bizim üçün çox məhsuldar il olacaq. Ötən ilə müqayisədə hasilatda 13% artım gözləyirik və bu artım tendensiyası növbəti illərdə də davam edəcək. Ötən il olduğu kimi 2018-ci ilin ikinci yarısının da mövsümi faktorlara əsasən daha yaxşı olacağını düşünürük. Şirkətin gələcək inkişafı üçün əsas hədəf imkanların genişləndirilməsidir ki, bu hədəflə biz Gədəbəydə əsaslı geoloji tədqiqat proqramına başlayacağıq,” – deyə
şirkətinin prezidenti və baş icraçı direktoru Reza Vəziri bildirib.
Qeyd edək ki, "Anglo Asian Mining" 1997-ci ildən etibarən Azərbaycanda fəaliyyət göstərir. Həmin dövrdə imzalanan PSA müqaviləsinə əsasən, şirkət ölkə ərazisində 6 qızıl yatağında hasilat işləri aparır. PSA müqavilədə "Anglo Asian Mining" 49%-lik paya malikdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
