Zaqatalada ötən gün baş verən yol qəzasında yaralanan sürücü ölüb.
ONA-nın şimal-qərb bürosunun verdiyi məlumata görə, “VAZ-2106” markalı avtomobilin sürücüsü, rayonun Bəhmədli kənd sakini, 1990-cı il təvəllüdlü Elgün Nazim oğlu Qədimov aldığı ağır bədən xəsarətlərindən Zaqatala Rayon Mərkəzi Xəstəxanasının reanimasiya şöbəsində dünyasını dəyişib.
Digər avtomobilin sürücüsü, Zaqatala şəhər sakini, 1986-cı il təvəllüdlü Bəxşiş Bayram oğlu Dadaşovun müalicəsi isə davam etdirilir.
Qeyd edək ki, məlum hadisə ötən gün axşam saatlarında Zaqatala-Göyəm avtomobil yolunda qeydə alınıb. “Mercedes” və “VAZ-2106” markalı avtomobillərin toqquşması nəticəsində hər iki nəqliyyat vasitəsinin sürücüsü xəsarətlər alıb.
Vüqar Heydərov
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
