ABŞ Konqresi Nümayəndələr Palatasının kəşfiyyat üzrə komitəsi Federal Təhqiqatlar Bürosu (FTB) tərəfindən Donald Trampın komandasının Rusiya ilə əlaqələrini araşdırarkən səlahiyyətlərini aşdıqlarına dair məruzə yayıb.
APA-nın xəbərinə görə, bu barədə Fox News məlumat verib.
Məlumata görə, bundan əvvəl ABŞ prezidenti Donald Tramp sənədin yayılmasına razılıq verib.
Məruzədə ABŞ Ədliyyə nazirliyi və FTB-nin fəaliyyətlərində qeyri-qanuni hərəkətlərin narahatlıq doğurduğu vurğulanıb. “Misal üçün, FTB prezident Trampın seçkiqabağı qərargahının sabiq müşaviri Karter Peyc qanuni əsaslar olmadan izləyib”, məlumatda deyilir.
Xatırladaq ki, ABŞ Konqresinin hər iki palatasının müvafiq komitələri Rusiyanın seçkilərə müdaxiləsi və Trampın komandasının Rusiya ilə əlaqələrinə dair təhqiqat aparır. Ədliyyə Nazirliyi tərəfindən təyin olunan xüsusi prokuror Robert Müller də analoji təhqiqatı davam etdirir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
