Böyük Britaniyanın kəşfiyyat orqanları ölkədə qadın və uşaqlar tərəfindən təkbaşına terror aktı törədilməsi təhlükəsinin mövcudluğu barədə xəbərdarlıq edib.
APA-nın məlumatına görə, bu barədə “Mail” qəzeti kəşfiyyat orqanlarının hesabatına istinadən məlumat yayıb.
Jurnalistlərin əldə etdiyi sənəddə qeyd edilib ki, İŞİD terror təşkilatının hərbi məğlubiyyətləri fonunda Suriyadan Böyük Britaniyaya qayıdan qadın və uşaqlar tərəfindən terror aktı törədilməsi təhlükəsi artır. Kəşfiyyat məlumatlarına əsasən, Böyük Britaniyanın 850 vətəndaşı Suriya və İraqa gedib və onların əksəriyyəti İŞİD terror təşkilatının sıralarına qoşulub. Onların yarıdan çoxu da artıq Böyük Britaniyaya qayıdıb. Hazırda Suriya və İraqda İŞİD-in nəzarətində olan ərazilərdə qalanların da 80 nəfəri qadın, 90 nəfəri isə uşaqdır. Sənəddə Böyük Britaniyadan getmiş qadınların İŞİD-in xüsusi hərbi düşərgələrində hazırlıq keçdikləri də qeyd edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
